пятница, 28 августа 2015 г.

Միլլիյեթը հեռացրել է 7 լրագրողի

Թուրքական Միլլիյեթ պարբերականն աշխատանքից ազատել է 7 լրագրողի, ովքեր քննադատել են «Արդարություն և զարգացում» կուսակցությանը։ Սյունյակագիր Մեհվեշ Էվինը (Mehveş Evin) թվիթերյան իր միկրոբլոգում գրել է, թե չգիտի ազատման պատճառը, սակայն շարունակելու է ստեղծագործել։

Հինգշաբթի օրը թերթը չի հրապարակում Քրդական բանվորական կուսակցության մասին Էվինի պատրաստած ռեպորտաժը։ Իշխանամետ Ենի Շաֆակ թերթը հայտում է, որ Էվինը համարկրում էր PKK-ին։ Նույն թերթը լրագրողին մեղադրել է 2013թ. Գեզի հրապարակի դեպքերի ժամանակ սադրիչ գործողությունների դիմելու համար։ Ազատված լրագրողների թվում են նաև Մերալ Թամերը և Անկարայում թերթի թղթակիցներ Քեմալ Գյոկթաշը, Էվին Դեմիրթաշը և Սերթաչ Քոչը։
Մինչ այդ աշխատանքից ազատվել էր նաև լրագրող Կադրի Գյուրսելին՝ թվիթերում Էրդողանին քննադատող գրառման համար։ Ասում են, որ Միլլիյեթի սեփականատեր Էրդողան Դեմիրորենը վճռական դերակատարություն է ունեցել լրագրողներին աշխատանքից ազատելու գործում։ Նախկինում ևս, Էրդողանի հանձնարարությամբ, նա աշծատանքից ազատել է լրագրողների։
Գազիենթեփ շրջանում այսօր տեղի ունեցած հանդիպման ժամանակ բազմաթիվ լրագրողներ իրենց բողոքի խոսքն են ասել դեպքի վերաբերյալ և կարևորել են խոսքի ազատության նշանակությունը։ Թուրք լրագրողների միությունն իր հերթին այսօր հաղորդագրություն է տարածել` նշելով, որ Միլլիյեթի որոշումն անընդունելի է։

воскресенье, 23 августа 2015 г.

Սիլիհտարի պարտեզները. հատված



Մայիս մեկին, բոլոր տուները, բայց մասնավորապես հույներու տուները կզարդարվեին վարդերու և զանազան ծաղիկներու կիրլանդներով։ Փրփրադեզ կաթը կլեցվեր մեծ ընդունարաններու մեջ, որովհետև սովորույթ էր այդ օրը առատությամբ կաթ խմել։
Տեսեր եմ շիա թուրքերու մռայլ տոները... արյունաշաղախ թափորներ, դիվահարի դեմքով մարդիկ, որոնք իրենց կուրծքերուն զարնելով խոռոչային ձայնով կգոչեին «յա՜ Հասան, յա՜ Հյուսեին»։ Կհիշեմ ռամազանի գիշերները, երբ մինչև արևածագի թնդանոթներու թնդյունը, դավուլ զուռնան կբաբախեր ետևի թաղերու մեջ և թուրք արբած երիտասարդներու նաղարան կերկարաձգվեր աղետի ազդարարության նման։

Պտույտ մը բուսաբանական այգում. Մաս 2. Շինություններ

Շարունակելով պատմել բուսաբանական այգում մեր շրջայցի մասին՝ այսօր կներկայացնեմ մի քանի շինություն, որոնք կառուցվել են հեռավոր խորհրդային ժամանակներում։ Թեև երկար տարիներն ու փողի պակասությունը զգալիորեն մաշել են այդ շինությունները, սակայն որոշակի հետաքրքրություն, այնուամենայնիվ, ներկայացնում են։
Երևանի բուսաբանական այգի