пятница, 17 октября 2014 г.

«Սասունցի Դավիթ» տանկային շարասյուն կառուցելու համար ստացված նվիրատվությունները


Էջմիածին, 1944թ., թիվ 1

Ամենայն Հայոց Հայրապետության ազգընտիր Տ. տեղակալի կոչը հայ ժողովրդին՝ «Սասունցի Դավթի» անունով տանկային շարասյուն կառուցելու նպատակով միջոցներ հանգանակելու մասին՝ ջերմ արձագանք է գտել տեղի և արտասահմանի հավատացյալների լայն շրջաններում: Այդ նպատակով գրեթե բոլոր թեմերում հավատացյալները կատարել են իրենց մուծումները:
Կարմիր Բանակի գլխավոր հրամանատարության ներկայացուցիչը տանկի անվանագիրը հանձնում է տանկի անձնակազմին: Յուրաքանչյուր անվանագրի՝ տանկի այդ յուրատեսակ «անձնագրի» վրա կա հետևյալ մակագրությունը – «Սասունցի Դավիթ» N… տանկը կառուցված է հայ հոգևորականության և հավատացյալների միջոցով:




Արտասահմանի թեմերում հավաքված միջոցների մասին առ այժմ հետևյալ տեղեկությունները կան —
  • Նյու Յորքից – 40.000 դոլար
  • Երկրորդ անգամ Նյու Յորքից – 20.000 դոլար
  • Երրորդ անգամ Նյու Յորքից – 10.600 դոլար
  • Թավրիզից – 120.000 ռյալ
  • Սպահանից – 30.000 թուման
  • Ֆրեզնոյից (Կալիֆոռնիա) – 10.000 դոլար
  • Կիպրոսից – 3.000 ֆունտ ստեռլինգ
  • Բեյրութից (Երիտասարդական միությունից) – 100 ֆունտ ստեռլինգ
  • Ամերիկայից – 25.000 դոլար

Ներկա ցուցակը իհարկե լրիվ չէ: Երկրորդ համարում կտպվի ինչպես հին, այնպես և նոր ստացված գումարների մանրամասն ցուցակը:

* * *

Կարմիր Բանակի զրահատանկային զորքերի հրամանատարի օգնական գեներալ-լեյտենանտ Կարոբկովի հեռագիրը Ամենայն Հայոց Հայրապետության Տ. Տեղակալին


«Սասունցի Դավիթ» տանկային շարասյան կառուցման միջոցներ նվիրաբերող հավատացյալների ցանկությունը կատարված է: Սովետական գործարաններում կառուցված է տանկային շարասյունը և հանձնված տանկային N զորամասին, որը մեկնել է ֆրոնտ և այժմ հաղթական կռիվներ է մղում ֆաշիստական հորդաների դեմ: Ստորև բերում ենք Կարմիր Բանակի զրահատանկային զորքերի հրամանատարի օգնական, տանկային զորքերի գեներալ-լեյտենանտ Կարոբկովի հեռագիրը և տանկային շարասյունը՝ տանկային զորամասին հանձնելու որոշ տեսարանների լուսանկարները:


Ամենայն Հայոց Հայրապետության ազգընտիր տեղակալ Գևորգ արքեպիսկոպոս Չեորեքչյանին


1944 թվի հունվարի 29-ին, հանդիսավոր պարագաներում, N տանկային զորամասին հանձնվեց «Սասունցի Դավթի» անվան տանկային շարասյունը, որը կառուցված է Ձեր նախաձեռնությամբ Սովետական Միության և արտասահմանի հայ հոգևորականության և հավատացյալների միջոցներով: Ընդունելով տանկային շարասյունը, սպաները «Սասունցի Դավիթ» տանկերի վրա երդվեցին անխնայաբար ջախջախել գերմանական զավթիչներին: Տանկային շարասյունը շարժվեց դեպի ֆրոնտ:



Կարմիր Բանակի զրահատանկային զորքերի հրամանատարի օգնական, տանկային զորքերի  գեներալ-լեյտենանտ Կարոբկով


Комментариев нет:

Отправить комментарий