Սիրիական անապատներից հայ որբերին հավաքելու և որբանոցներում տեղավորելու, ինչպես նաև հետագայում նրանց կյանքը կազմակերպելու գործում մեծ դերակատարություն են ունեցել Ամերիկյան Նպաստամատույցի որբանոցը և Հալեպի Դանիական հաստատությունը՝ Քարեն Եփփեի գլխավորությամբ: Այս մասին պատմում է Արտավազդ արքեպիսկոպոս Սյուրմեյանը իր «Պատմութիւն Հալեպի հայոց» (Ա հատոր, Հալեպ, 1940թ.) ծավալուն աշխատության մեջ, որի մի հատված ներկայացնում ենք ձեր ուշադրությանը:
Քարեն Եփփեի մասին կարող եք կարդալ նաև «Հարցազրույց ժամանակի և տարածության վրայով» հոդվածում, որը հրատարակվել է «Սովետական Հայաստան» ամսագրում, 1985թ. (թիվ 4):
Արտավազդ արքեպիսկոպոս Սյուրմեյան, Պատմութիւն Հալեպի հայոց, Ա հատոր, Հալեպ, 1940թ.
 |
| Ռաքքայի շրջանի երկրագործական նորահաստատ գյուղերու մեջ բացված որբանոցը՝ ուր պետեվի վրաններեն ազատագրյալներ հետզհետե ինքնաբավ դարձան ու բազմացան: 1928թ. նոյ. 25-ին Հալեպի առաջնորդ Տեր Արտավազդ Վրդ., Տեր Մկրտիչ և Տեր Ղևոնդ քահանաներու հետ, Խըրպեթ էլ-Ռըզի (Ռաքքայի շրջաբ) Դանիական որբանոցին մեջ օրհնեց պսակը պետեվի վրաններեն ազատագրված ութը հայ զույգերու, որոնց բոլորն ալ կապրին ու ծնող են յուրաքանչյուրը մեկ քանի զավակներու: Խումբին ձախ կողմը կեցողը Դանիացի Միս Ենին է, հայասեր ու հայախոս ազնիվ օրիորդը: |
