17.07.2015թ. Մեդիայի անդրադարձը սահմանադրական բարեփոխումների նախագծին

17:37 17/07/2015 » Հասարակություն

Նոր Սահմանադրությամբ ևս, Հայաստանում ընտանիք կարող են կազմել միայն կինն ու տղամարդը

Սահմանադրության նախնական տարբերակում այն մշակողները կարևորել են ընտանիքի ձևավորման մասին դրույթները և այն ներառել Սահմանադրական կարգին վերաբերող գլխում: Սահմանադրության նախագծով սահմանվում է, որ ամուսնական տարիքի հասած կինը և տղամարդն իրենց կամքի ազատ արտահայտությամբ միմյանց հետ ամուսնանալու և ընտանիք կազմելու իրավունք ունեն: Ընտանիքը, ըստ Սահմանադրության նախագծի, գտնվում է պետության պաշտպանության ներքո:

Այսօր լրագրողների հետ հանդիպման ժամանակ Սահմանադրական բարեփոխումների մասնագիտական հանձնաժողովի անդամ Վարդան Պողոսյանը անկեղծացավ և ասաց, որ ինքը մտավախություն է ունեցել, թե ընտանիքի մասին դրույթները Վենետիկի հանձնաժողովի փորձագետների համար ընդունելի չեն լինի:

«Բայց համենայնդեպս, այն ձևակերպումները, որոնք տեղ գտան Սահմանադրական բարեփոխումների նախագծում որևէ քննադատության չարժանացան և անկախ ամեն ինչից, ես վստահ եմ, որ եթե այս նախագիծը հաստատվի հանրապետության նախագահի կողմից ու դառնա պաշտոնական փաստաթուղթ, ապա այդ դչրույթները պետք է մնան անփոփոխ», -հայտարարեց Պողոսյանը:

Հարակից հրապարակումներ`
Նոր Սահմանադրությամբ նախագահը իրավունք չունի կողմնապահ լինել. Սահմանադրագետ
Հանձնաժողովի անդամները բացատրել են` ինչու է նոր խորհրդարանը ունենալու առնվազն 101 կամ ավելի պատգամավոր
Ովքեր են լինելու ընտրիչները, որոնք կընտրեն Հանրապետության նախագահին
 

Աղբյուր` Panorama.am